Медициналық сақтандыру қорына түскен жарна көлемі анықталды

Жүйе іске қосылған 2017 жылдың 1 шілдесінен 2018 жылдың 31 желтоқсанына дейінгі аралықта жинақталған жарнаның жалпы сомасы 133 млрд. теңгеге жеткен.

Оның 124,3 млрд. теңгесі (93,5%) жұмыс берушілердің аударымдары болса, қалған 8,7 млрд. теңге (6,5%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.

Ал жоғарыда аталған мерзім ішінде МСҚ-на Атырау облысы бойынша түскен жарнаның жалпы сомасы – 8 млрд 342 млн. Оның 8 млрд. 46 млн. теңгесі (96,4%) жұмыс берушілердің аударымдары болса, қалған 296 млн. теңге (3,6%) жеке кәсіпкерлер мен азаматтық-құқықтық келісімшарт негізінде еңбек ететін тұлғалардан түскен.

Жинақталған қаржы Ұлттық банкте сақталады. Болашақта МӘМС пакеті шеңберіндегі қызметтер ақысын төлеуге жұмсалады. Еліміздің бас банкімен қаржыны сенімгерлік басқару туралы келісім бекітілген.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Top