Исатай аудандық “Нарын таңы” газетінің бас редакторы, ұзақ жылдар бойы аудан журналистикасының дамуына сүбелі үлес қосқан құрметті әріптесіміз Салихов Аяпберген Тілепбергенұлы мерейлі зейнет жасына шығуда.
Аяпберген Тілепбергенұлы – өз ісіне адал, журналистикаға деген шынайы сүйіспеншілігімен және кәсібилігімен танылған тұлға. Аталған редакцияда табан аудармастан 31 жыл қызмет атқарып, жас журналистерге тәлімгер болып, ел игілігі үшін қажырлы еңбек етті. Оның басшылық қызметі мен қоғамдық жұмыстары аудандағы журналистика саласының беделін арттырғаны сөзсіз.
Құрметті Аяпберген Тілепбергенұлы, Сізге зор денсаулық, ұзақ ғұмыр, отбасыңызға шаттық пен береке тілейміз. Шығармашылығыңыз ешқашан тоқтамасын, алдағы өміріңіз жарқын жетістіктерге толы болғай!
