«Атырау-Ақпарат» ЖШС-де комплаенс-офицер қызметіне Есмуханова Гульсин Жолдаспаевна тағайындалды. Гульсин Жолдаспаевна мемлекеттік қызмет саласында 15 жылдық тәжірибесі бар маман.
Есмуханова Гульсин Жолдаспаевна әр жылдары Атырау қаласы әкімінің аппаратында кадр қызметінің бас маманы, Атырау облыстық тексеру комиссиясында, сондай-ақ, Атырау облысының мемлекеттік сәулет-құрылыс бақылауы басқармасында қызмет атқарған.
Айта кетелік, комплаенс-офицердің негізгі міндеттері – ұйым қызметінде сыбайлас жемқорлыққа қарсы заңнаманың сақталуын қамтамасыз ету, сыбайлас жемқорлық тәуекелдерінің алдын алу және қызметкерлер арасында адалдық пен ашықтық қағидаттарын нығайту.