Құрметті достар! Қадірлі оқырмандар!
2001 жылдан бері жұмыс істеп келе жатырған облыстағы бірден-бір медиахолдинг – «Атырау-Ақпарат» ЖШС-нің ғимаратына түрлі себептерге байланысты берілгеннен бері (2003 жылы) жөндеу жұмыстары жасалмаған болатын. Сондықтан да, мұндағы ғимараттың фасады, шатырлары, инженерлік, коммуналдық жүйелер ескірген еді.
Осыған орай, Атырау облысы әкімінің тікелей қолдауымен Атырау қаласы, Ж.Молдағалиев көшесі, 29 «а» мекен-жайы бойынша ғимаратты жөңдеу-жаңғырту жұмыстары басталды.
Ал, «Атырау-Ақпарат» ЖШС ұжымы қазір Ө.Атамбаев көшесі, 7 «г» мекен-жайына уақытша қоныс ауыстырып, осы орында жұмыстарын жалғастыруда (Азаттық көшесінен бұрынғы химия зауыты бағытындағы теміржол өткелінен өткендегі, оң жақтағы екі қабатты ғимарат).
Ғимараттағы құрылыс жұмыстарына байланысты оқырмандар мен медиахолдингтің сенімді серіктестерімен байланыс осы уақытша мекен-жайда жалғасатынын қаперлеріңізге беремін.
Төмендегі эскиздерге сәйкес Жайық жағалауындағы еңселі ғимаратта болашақта журналистер мен баспагерлер сайлы да, жайлы заманауи жабдықталған жаңа конференц-зал, студиялар, лифтісі бар кеңседе қызмет ететін болады.
