Ұлттық мерекеміз - Республика күні қарсаңында әріптесіміз, баспахананың аға түптеушісі Айгүл Бақытжанқызы Дүсіпова ҚР Президенті Қасым-Жомарт Тоқаевтың Жарлығымен "Ерен еңбегі үшін" медалімен марапатталды!
Қазіргі таңда елімізде жұмысшы мамандығының мәртебесі артып, еңбек адамын ұлықтауға баса назар аударылуда.
Осы орайда өзінің 21 жылын баспахана саласына арнап, қарапайым да, қажырлы еңбегімен әркез абырой арқалаған Айгүл Бақытжанқызын барша ұжымдастары атынан мемлекеттік марапатымен шын жүректен құттықтаймын.
Алдағы уақытта да денсаулығыңыз мықты болып, биік белестерден көріне беріңіз!
